යුක්රේන ජනාධිපති Volodymyr Zelenskyy සමඟ පැවති දුරකථන සාකච්ඡාවලදී යුක්රේන කලාප හතරක් ඈඳා ගැනීමට රුසියාව දරන උත්සාහය ජපාන අගමැති Kishida Fumio හෙළා දැක ඇත. කිෂිඩා සිකුරාදා සෙලෙන්ස්කි සමඟ විනාඩි 30 ක් පමණ කතා කර ඇත.
රුසියාවේ එම පියවර යුක්රේනයේ ස්වෛරීභාවය සහ භෞමික අඛණ්ඩතාවයට වල කැපීමක් ලෙසත් ජාත්‍යන්තර නීති උල්ලංඝනය කිරීමක් ලෙසත් අගමැතිවරයා හෙලා දැක ඇත. රුසියානු හිමිකම් කිසි විටෙකත් පිළිගත යුතු නැතැයි ඔහු පවසා ඇත.
අනෙකුත් රටවල් හතේ කණ්ඩායම සමඟ සමීප සම්බන්ධීකරණයක් ඇතිව ජපානය රුසියාවට අතිරේක සම්බාධක සලකා බලනු ඇති බවත්, යුක්රේනයට දිගටම සහාය දෙන බවත් කිෂිඩා පවසා ඇත. Zelenskyy සිය ගැඹුරු කෘතඥතාව කිෂිඩා වෙත පළ කර ඇත.
